प्रधानमंत्री आवास योजना – ग्रामीण टप्पा २ अंतर्गत माडग्याळ मधील घरकुल  लाभार्थींना मंजुरीपत्र वाटप .

माडग्याळ / विजय चौगुले

माडग्याळ ता जत येथील दिनांक 22/02/2025 रोजी प्रधानमंत्री आवास योजना – ग्रामीण (टप्पा २) अंतर्गत घरकुल मंजुरीपत्र माडग्याळ गावचे लोकनियुक्त सरपंच सौ. अनिता माळी

यांच्या शुभहस्ते

लाभार्थींना मंजुरीपत्रांचे वितरण करण्यात आले.

यावेळी सरपंच सौ. अनिता माळी, उपसरपंच बाळासो सावंत, ग्रामसेवक सौ. चंद्रभागा, ग्रामपंचायत सदस्य महादेव माळी, ग्रामपंचायत सदस्य संगीता माळी, ग्रामपंचायत सदस्य निकीता कांबळे, लिंबाजी माळी, रोजगार सेवक सिध्दू माळी, यांसह इतर अधिकारी वर्ग, लाभार्थी व स्थानिक नागरिक मोठ्या संख्येने उपस्थित होते.

थेट प्रक्षेपण –
माडग्याळ मध्ये प्रधानमंत्री आवास योजनेच्या लाभार्थ्यांना केंद्रीय मंत्री अमित शहा यांनी लाभार्थी सोबत व्हिडिओ कॉन्फर्न्स द्वारे संवाद साधले. यावेळी उपस्थित लाभार्थींना घरकुल बांधकाम प्रगतीचा टप्प्यानुसार निधी वाटप प्रक्रिया, बांधकाम साहित्याची उपलब्धता, घरकुल बांधकाम आराखडा यासंदर्भात मार्गदर्शन केले
सरपंच सौ. अनिता माळी म्हणाले की,

प्रधानमंत्री आवास योजना ही केंद्र शासनाची महत्त्वाकांक्षी योजना असून ग्रामीण भागातील नागरिकांना स्वतःच्या हक्काचे घर उपलब्ध करून देण्याच्या उद्देशाने ही योजना राबवली जात आहे. या योजनेच्या माध्यमातून गरजू आणि आर्थिकदृष्ट्या दुर्बल घटकांना घरे बांधण्यासाठी आर्थिक मदत दिली जाते. या योजनेत लाभार्थ्यांना तीन हप्त्यांमध्ये अनुदान वितरित करण्यात येते. पहिला हप्ता मंजुरीनंतर मिळतो, दुसरा हप्ता घराचा पाया पूर्ण झाल्यानंतर आणि तिसरा हप्ता घराचे छप्पर पूर्ण झाल्यानंतर वितरित केला जातो.
या महत्त्वाकांक्षी योजनेअंतर्गत राज्यातील लाखो लाभार्थींचे स्वप्न साकार होत असून, शासनाने घेतलेल्या या पुढाकारामुळे गरीब व गरजू कुटुंबांना स्वतःचे घरकुल मिळण्याचा मार्ग मोकळा झाला आहे. या योजनेबद्दल लाभार्थींनी समाधान व्यक्त केले असून शासनाच्या या उपक्रमाबद्दल कृतज्ञता व्यक्त केली आहे.