मंत्री गिरीश महाजन यांच्या वाढदिवसानिमित्त उद्या जळगाव शहरात विविध कार्यक्रमांचे आयोजन

जळगाव(प्रतिनिधि गजानन धनगर): भाजपाचे राज्यातील ज्येष्ठ नेते ग्रामविकास मंत्री ना.गिरीश महाजन यांच्या वाढदिवसानिमित्त उद्या शुक्रवार दिनांक १७ मे २०२४ रोजी विविध कार्यक्रमांचे आयोजन करण्यात आले आहे.जळगाव शहर महानगपालिकेचे माजी महापौर डॉ. अश्विन‌ शांताराम सोनवणे यांच्या तर्फे सकाळी १०:३० वाजता लहान मुलांचे बाल निरीक्षण गृह” (रिमांड होम) येथे जेवण वाटपाचा कार्यक्रम ठेवण्यात आला आहे.
तसेच सकाळी ११:०० वा “सेवालय” जिल्हा शासकीय वैद्यकीय महाविद्यालय येथे रुग्णांना व “मातोश्री वृद्धाश्रम” येथे सकाळी ११:३० वाजता जेवण वाटप करण्यात येणार आहे.
ग्रामविकास मंत्री ना.गिरीश महाजन यांच्या वाढदिवसानिमित्त आयोजित कार्यक्रमात मित्रपरिवार, भारतीय जनता पार्टीच्या पदाधिकारी व कार्यकर्त्यांनी उपस्थित राहावे असे आवाहन करण्यात आले आहे. यावेळी पत्रकार परिषदेला पारस ललवाणी, ऍड. पूर्वे, अभिजित भांडारकरा, दिलीप साळुंखे, श्री. तावरे हे यावेळी उपस्थितीत होते.