जिल्हा परिषद शाळा यवत स्टेशन येथे योग दिन,पालक मेळावा तसेच मुलांना साहित्य वाटप समारंभ

प्रतिनिधी:- सतीश कोकरे(9673353340)

आज दि. २१ जून २०२४ रोजी जिल्हा परिषद शाळा यवत स्टेशन येथे योग दिनाचे औचित्य साधून पालक मेळावा व मुलांना शैक्षणिक साहित्य वाटप करण्यात आले. कार्यक्रमाचे अध्यक्ष श्री. दत्तात्रय खैरे तसेच यवत गावचे उपसरपंच श्री. सुभाषबाप्पू यादव,मा.शाळा व्यवस्थापन अध्यक्ष श्री युवराज मेहता शाळा व्यवस्थापन अध्यक्षा सौं.दीपालीताई थोरात,श्री.अजय देशमुख सर, बाळकडू पत्रकार व युवा ग्रामीण पत्रकार संघांचे सचिव श्री. सतीशकुमार कोकरे व सर्व पालक वर्ग यांनी उपस्थिती दर्शविली. मुख्याध्यापिका सौं. रायकर मॅडम, श्री. हुंबे सर श्री. लावंड सर,सौ टिळेकर मॅडम, श्रीमती वाळके मॅडम यांनी विद्यार्थ्यांना मार्गदर्शन केले व योगाचे महत्व पटवून दिले. योग शिक्षक श्री अंकुश चौधरी यांनी विध्यार्थ्यांना योग प्रत्यक्षिके करून दाखवली.उपसरपंच सुभाषबाप्पू यादव यांनी शाळेला घरची शाळा असल्यासारखे दाखवत यापूर्वी शाळेसाठी फिल्टर पाणी, मुलींसाठी बाथरूम मंजूर करून काम पूर्ण केले.

आता मुलासाठी बाथरूम व शाळा दुरुस्तीसाठी लवकरात लवकर निधी मंजूर करून ते काम पूर्ण करून देणार असे आश्वासन दिले आहे. त्याबद्दल शाळेतील विध्यार्थी व शिक्षक वर्ग यांनी त्यांचे आभार मानले.शैक्षणिक वर्ष २०२४-२५ मध्ये जे विद्यार्थी नवीन शाळेत आले त्यांचा शैक्षणिक साहित्य व गुलाब फुल देऊन सत्कार करण्यात आला. तसेच कार्यक्रमाचे सर्व पाहुणे यांचाही श्रीफळ व गुलाब देऊन सत्कार करण्यात आला. पाहुण्यांना व उपस्थित पालक यांना चहा पाणी करून कार्यक्रमाची सांगता करण्यात आली.या कार्यक्रमासाठी दौंड तालुक्याचे गटशिक्षणाधिकारी श्री महाजन साहेब तसेच यवत केंद्राचे केंद्रप्रमुख श्री प्रणयकुमार पवार साहेब यांचे मार्गदर्शन लाभले.