बारामतीच्या कृषीदूतांकडून लालपुरी जि.प. शाळेत योग दिन साजरा

प्रतिनिधी:- सतीश कोकरे(9673353340)

दि 21.06.2024

लालपूरी (कळंब) ता. इंदापूर :-

आंतरराष्ट्रीय योग दिनाचे औचित्य साधत डॉ. शरदचंद्र पवार कॉलेज आॅफ अॅग्रीकल्चरच्या कृषीदूतांकडून मोठ्या उत्साहाने शुक्रवारी सकाळी जि.प.प्रा. शाळा लालपूरी (कळंब) येथे ‘योग दिन” साजरा केला गेला. यावेळी शाळेच्या विद्याथ्यांकडून वेगवेगळी योगासने करून घेण्यात आली. यावेळी कृषीदूत आणि शाळेच्या शिक्षकांकडून विद्यार्थ्यांना योगदिनाचे महत्त्व विषद करून सांगण्यात आले.

जागतिक योग दिनानिमित्त लालपुरी (कळंब) येथील जि.प. शाळेत सकाळी अतिशय आनंददायी वातावरणामध्ये कृषीदु‌तांसमवेत विद्यार्थ्यांनी योगा करत योग दिन साजरा केला. त्यावेळेस शाळेचे मुख्याध्यापक मा. देवडे सर, तसेच येवले सर, भोसले सर आणि ठोंबरे मॅडम इ. शिक्षकवृंद उपस्थित होते. जि.प. शाळेच्या प्रांगणात सकाळी 7.30 वा “योग दिनाचे” चे आयोजन करण्यात आले होते. मोठ्या उत्साहात हा कार्यक्रम पार पडला.