माळवाडी कडून वस्तीवर जाणाऱ्या रस्त्याची एवढी दूरअवस्था का?? नागरिकांचे होत आहेत प्रचंड हाल..

मयुरा पाटील — धनगर साम्राज्य न्यूज

आय कॉलेज इंदापूर ते शिंगाडे वस्ती रस्ता मंजूर झाला आहे. पण माळवाडी नंबर 2 गावठाण ते मारुती मंदिर इथपर्यंतच रस्ता झालेला आहे. तिथून पुढे शिंगाडे वस्तीमधील रस्ता व गार्डे वस्ती मधला रस्ता का झाला नाही ?? अशी विचारपूस नागरिकांकडून करण्यात येत आहे .
झालेला रस्ता मंजूर झालेल्या मापाप्रमाणे का नाही ??याची सविस्तर चौकशी व्हावी अशी माळवाडी ग्रामस्थांकडून मागणी होत आहे.
या मार्गावरून येताना जाताना महिलांचे ,पालकांचे, विद्यार्थ्यांचे प्रचंड हाल होत आहेत. बेंद वस्ती मधील जिल्हा परिषद शाळेकडे जाण्यासाठी एक छोटा पूल आहे,पाऊस आला की त्या पुलावर कमरेएवढे पाणी साठते, थोड्या अंतरावर लगेच नदी सुरू होते अनर्थ होऊ नये म्हणून वेळीच लक्ष देणे गरजेचे आहे असे नागरिकांकडून आवाहन करण्यात येत आहे.
झाडांची ही गर्दी या रस्त्यावर आहे . लाईटची मेन लाईन तिथून जात असल्याने त्या लाईनला झाडांच्या फांद्या घासत आहेत व त्यामुळे ह्या मेन लाईन तुटत आहेत. म्हणून एमएसईबीने यामध्ये लक्ष घालावे व पाऊस वरा होण्यापूर्वी झाडांच्या फांद्या काढून टाकाव्यात असे सांगण्यात येत आहे.