आमदार दत्तामामा भरणे यांची अजित दादांकडे आग्रही मागणी; इंदापूर तालुक्यासाठी खडकवासल्यातूनपाणी सोडण्यात यावे.

मयुरा पाटील — धनगर साम्राज्य न्यूज

इंदापूर तालुक्यातील सध्या दुष्काळी परिस्थिती बघता, सगळीकडेच एक ते दोन महिन्यापासूनच शेतीच्या पाण्याबरोबर पिण्याच्या पाण्याची ही टंचाई जाणू लागली आहे.

हाता तोंडाशी आलेली पिके जळून जाऊ लागलेली आहेत त्यामुळे बळीराजा अतिशय चिंतित आहे.
याची दखल घेत इंदापूरचे आमदार दत्तामामा भरणे यांनी उपमुख्यमंत्री तसेच जिल्ह्याचे पालकमंत्री अजित दादा पवार यांच्याकडे खडकवासल्यातून इंदापूर तालुक्यासाठी पाणी सोडण्याची मागणी केलेली आहे.

याविषयी बोलताना भरणे मामा म्हणाले की मागच्या वर्षी पाऊस कमी असल्यामुळे सगळीकडचेच नैसर्गिक स्त्रोत यावेळेस लवकर आटत आहेत. तालुक्यावर दुष्काळाचे सावट असून अनेक ठिकाणी पिण्याच्या पाण्याचे सुद्धा हाल आहेत. तालुक्यातील प्रत्येक गावात पाण्याची टंचाई असल्यामुळे टँकरने पाणीपुरवठा चालू आहे. अशी दुष्काळी परिस्थिती असल्यामुळे भरणे मामांनी अजितदादांकडे इंदापूर साठी पाणी सोडण्याची आग्रही मागणी केली आहे.