पुण्यश्लोक अहिल्यादेवी होळकर जयंती मोठ्या उत्साहात साजरी करावी सकल:-धनगर मल्हार सेना संस्थापक अध्यक्ष प्रल्हाद भाऊ सोरमारे

पुण्यश्लोक अहिल्यादेवी होळकर जयंती मोठ्या उत्साहात साजरी करावी सकल:-धनगर मल्हार सेना संस्थापक अध्यक्ष प्रल्हाद भाऊ सोरमारे

देशभरातल्या प्रमुख मंदिरांच्या जिर्णोद्धाराचं काम केल्याचा इतिहास पाहिल्यास एकच नाव समोर येतं, ते म्हणजे पुण्यश्लोक अहिल्याबाई होळकर यांचं. याच थोर महिलेची 31 मे रोजी 399 जयंती आहे.

एक स्त्री आपल्या कतृत्वाने भल्याभल्यांना तोंडात बोटं घालायला लावते. डोक्यावरक पदर घेतलेली पाहायला गेलं तर एक सर्वसाधारण स्त्री. मात्र आपल्या कार्यानं त्यांनी मुघल राजांनाही चकीत केलं. खुद्द टिपू सुलतानाने ज्यांना तत्वज्ञ महाराणी अशी उपमा देत त्यांच्या कार्यात बाधा आणली नाही अशा अहिल्याबाई होळकर यांची आज जयंती.
बीड जिल्ह्यातल्या चौंडी या गावी अहिल्याबाईंचा जन्म झाला. धनगर समाजात जन्म झालेल्या अहिल्याबाईंचा विवाह वयाच्या आठव्या वर्षी सुभेदार मल्हारराव होळकर यांच्याशी झाला.
इतिहास माहिती असतानाही अहिल्याबाईंनी मंदिरांच्या जिर्णोद्धाराची धुरा आपल्या खांद्यावर घेतली. कोणाच्याही भावना न दुखावता अहिल्याबाईंनी मंदिराच्या जिर्णोद्धाराची जबाबदारी घेतली.

देशभरातील बारा ज्योतिर्लिंग तसंच इतर मंदिरांच्या जीर्णोद्धाराचे काम त्यांनी हाती घेतलं. हे हिंदू धर्माचे मानबिंदू आहेत हे अहिल्याबाईंना चांगलंच ठावूक होतं. मात्र धर्मांध न होता सर्वाना सोबत घेऊन त्यांनी हिंदूंना आपले जुनं वैभव परत मिळवून दिलं.याच सर्वात आदर्श उदाहरण म्हणजे काशी विश्वनाथ मंदिर.
अहिल्यादेवींनी तीर्थक्षेत्रांना फक्त उजाळाच दिला नाही तर शेकडो राज्यांमध्ये वाटल्या गेलेल्या देशाला त्यांनी मंदिरं, घाट, रस्ते, धर्मशाळा आणि बारवांच्या माध्यमातून जोडण्याचे अचाट आणि अफाट कार्य केले. त्यांच्या याच कार्याचा सन्मान म्हणून अहिल्यादेवींना पुण्यश्लोक या उपाधीनं संबोधण्यात आलं.
अशा थोर देवीची जयंती मोठ्या उत्साहात साजरी करावी असे आवाहन सकल धनगर मल्हार सेना संस्थापक अध्यक्ष प्रल्हाद भाऊ सोरमारे यांनी करण्यात आले आहे