वनसंवर्धन दिनानिमित्त माणकोबावाडीच्या विध्यार्थ्यानी केली सीडबॉलची निर्मिती

सुमारे २०० सीडबॉल विखूरले माणकोबावाडीच्या माळरानावर

माणकोबावाडी (यवत ) वनसंवर्धन दिनाचे औचित्य साधून माणकोबावाडी जिल्हा परिषद प्राथमिक शाळेत विध्यार्थी व शिक्षक यांनी मिळून सुमारे २०० सीड बॉल तयार करून ते माणकोबावाडी येथील पाण्याची टाकी, सिद्धनाथ मंदिर परिसर व माळरानावर विखूरले. हे सीड बॉल तयार करताना चिंच, जांभूळ, कडुलिंब, बोर सिताफळ अशा झाडांच्या बियांचा वापर केला आहे. सध्या पावसाळ्याचे दिवस असल्याने लवकरच या सीडबॉल चे रूपांतर रोपांमध्ये होईल अशी अपेक्षा आहे.

श्री लांडगे सर यांनी विध्यार्थ्यांना सीड बॉल बनविण्याचे प्रशिक्षण दिले. श्री साळवे सर व माने मॅडम यांनी विध्यार्थ्याकडून सीड बॉल तयार करून घेतले व माळरानावर त्याचे रोपण केले…

यावेळी बोलताना मुख्याध्यापिका स्वाती माने मॅडम म्हणाल्या कि, *बदलते हवामान, जागतिक तापमान वाढ, पावसाचे कमी होणारे प्रमाण, हवेचे प्रदूषण या सर्वांवर मात करायची असेल तर प्रत्येकाने दरवर्षी किमान एक तरी झाड लावून ते वाढवले पाहिजे.*