पारडगाव येथे शेतकरी कर्जमाफीसाठी गेले आठ दिवसापासून शेतकऱ्याचे उपोषण

घनसावंगी तालुक्यातील पारडगाव येथील शेतकरी गेल्या आठ दिवसापासून शेतकऱ्यांच्या कर्जमाफीसाठी उपोषणाला बसला असून या शेतकऱ्याकडे अजून पर्यंत प्रशासनाने दुर्लक्ष केलेले आहे.

या उपोषणाला प्रशासनाने व इतर कोणीही भेट दिलेली नाही याची लवकरात लवकर दखल घ्यावी असे यावेळी उपोषण करते गणेश मंडपे यांनी सांगितले तसेच या उपोषणाच्या वेळेस अनेक शेतकऱ्यांनी आपल्या प्रतिक्रिया दिल्या तसेच या उपोषणाला राष्ट्रीय समाज पक्षानी पाठिंबा दिला असून राष्ट्रीय समाज पक्ष हा सतत शेतकऱ्यांच्या बाजूने खंबीरपणे उभा आहे.

असे यावेळी राष्ट्रीय समाज पक्षाच्या कार्यकर्त्यांनी सांगितले यावेळेस श्री गजानन वायसे जिल्हा उपाध्यक्ष रा.स.प.जालना, कृष्णा शेळके तालुका उपाध्यक्ष राष्ट्रीय समाज पक्ष घनसावंगी ,अर्जुन कोरडे ओमप्रकाश गिरे, असे अनेक शेतकरी या वेळेस उपस्थित होते.