महाविकास आघाडीने सुरेशदादा गायकवाडांना संधी दिल्यास यश नक्कीच…!

महाविकास आघाडीने सुरेशदादा गायकवाडांना संधी दिल्यास यश नक्कीच

प्रतिनिधी:-दिपक गजभारे घुंगराळेकर

देगलूर : देगलूर-बिलोली राखीव मतदार संघात आज पर्यंत हे किंवा ते निवडून आल्याने येथील जनता बेजार झाली असून या उमेदवारातही आता पक्ष आणि विश्वासा बाबत स्थैर्य राहिले नाही.

त्यामुळे यंदाच्या विधानसभा निवडणुकीत महाविकास आघाडीने देगलूर -बिलोली मतदार संघातून सुरेशदादा गायकवाड या बहुजन चळवळीच्या नेत्यास संधी दिल्यास त्यांना यश नक्कीच मिळेल अशी चर्चा येथील जुन्या जाणत्या आणि राजकिय अभ्यासू नागरिकांतून व्यक्त होत आहे.

सुरेशदादा गायकवाड हे गेल्या अनेक वर्षापासून बहुजन चळवळीचे नेतृत्व करीत आहेत, याच दरम्यान त्यांना नेहमी काँग्रेस पक्षाचे चव्हाण कुटुंबीय अडसर बनलेले होते,या चळवळीच्या नेत्यावर राजकिय घाव घालण्याचे कार्य नेहमीच या चव्हाण कुटुंबीयांनी केले .

त्यामुळे ही चळवळ काहीशी खुंटली होती, परंतु सुरेश दादा गायकवाड ही नांदेड शहराचेच नेतृत्व नसून हे संपूर्णजिल्ह्याचे नेतृत्व आहे हे पुन्हा पुन्हा सिद्ध केले आहे, काँग्रेसमध्ये ठाण मांडून बसलेले चव्हाण हे भाजपवासी झाल्याने ही अडचण आता दूर झाली आहे.

सुरेशदादा हे भारिप बहुजन महासंघात होते त्यावेळेस त्यांनी आपल्या राजकीय चातुर्याने नांदेड जिल्ह्यातील दोन विधानसभा मतदारसंघात दणदणीत विजय मिळवून बहुजन सामर्थ्याची ताकद दाखविली होती, परंतु समोरच्या काळात त्यांच्याविषयी अफवा आणि जातीय द्वेष समोर करून त्यांच्या राजकारणाला लगाम घालण्याचे कार्य केले

परंतु यास सुरेशदादा गायकवाड हे नजुमानता पुन्हा उभारी घेऊन येथील मुलाखात आपली तोफ डागत राहिले, किनवटच्या कोपऱ्या पासुन आंध्र – तेलंगाणाच्या सिमेपर्यन्त कार्य केले . समाजास एकमूठ आणि एकजूट करण्याचे कार्य केले .

या सर्व भागातील सामाजिक आणि राजकीय समस्या सोडवण्याची ताकद ही सुरेशदादा गायकवाड यांच्यातच आहे यात काही शंका नाहीदरम्यान, देगलूर -बिलोली मतदार संघात सध्या तरी बहुजन समाजाचे नेतृत्व करण्याची हिंमत आणि ताकद दिसून येत नाही, या ठिकाणी नवनवीन इच्छुक उमेदवार समोर येताना दिसतात

परंतु ते त्यांच्या वार्डापुरते आणि नगरापुरते किंवा बोलावयास देगलूरच्या शहरापुरतेच त्यांचे नेतृत्व आणि क्षमता दिसून येते….देगलूर बिलोली मतदारसंघ हा दोन तालुक्याचा असून या संपूर्ण मतदारसंघात ज्या व्यक्तीची पकड आणि प्रभाव आणि सामाजिक, राजकीय संबंध असलेले एकमेव व्यक्ती म्हणून सध्या तरी सुरेशदादा गायकवाड यांचेच नाव समोर येते .

त्यामुळे येणाऱ्या विधानसभेच्या निवडणुकीत सुरेश दादा गायकवाड यांना महाविकास आघाडीने देगलूर बिलोली राखीव मतदार संघांतून संधी दिल्यास या मतदारसंघातून त्यांचा विजय नक्कीच होईल आणि या ठिकाणी इच्छुक असलेले सर्व उमेदवारांचे तोंडही बंद होईल अशी आशा येथील जुनी जाणती आणि राजकीय विश्लेषक करीत आहेत…..