“ कृषीदूतांकडून पशुसंवर्धन अणि दुग्धव्यवसाय या विषयांवर उपक्रमांचे सादरीकरण”

दि.17/07/2024
लालपुरी (कळंब), ता. इंदापूर, जि.पुणे-

” डॉ. शरदचंद्र पवार कृषी महाविद्यालय”बारामतीचे विद्यार्थी “रावे” या उपक्रमा अंतर्गत विविध उपक्रम राबवित आहेत, याच्या अंतर्गतच “मौजे लालपुरी (कळंब) “ या गावांत “पशुसंवर्धन आणि दुधव्यवसाय ” या विषयांवर उपक्रम राबविण्यात आले. शेतकरी वर्ग आपल्या आयुष्यात शेती बरोबरच अधिकचे उत्पन्न वाढावे यांसाठी शेतीसंलग्न विविध व्यवसाय करत असतात. यात प्रामु‌ख्याने पशुसंवर्धन, कुक्कुटपालन, दुग्धव्यवसाय, कृषी विपणन असे महत्त्वाचे व्यवसाय येतात .या व्यवसायांचा आधारेच शेतकरी आपले आर्थिक उत्पन्न वाढविण्याचा प्रयत्न करत असतो. यासाठीच या व्यवसायांची योग्य काळजी कशी घेतली पाहिजे?, त्यांची स्वच्छता व निर्जंतुकीकरण कसे केले पाहिजे ?, तसेच उत्पादन वाढविण्यासाठी व जनावरांचे आरोग्य चांगले राहण्यासाठी “उपचारी पद्धतीचा चारा” अशा महत्त्वाच्या विषयांवर विद्यार्थ्यांनी उपक्रम सादर केला. या उपक्रमास गावातील शेतकरी बांधवासह , गावातीच प्रतिष्ठित लोकांचीसुद्धा हजेरी होती. तसेच हा कार्यक्रम पारपाडण्यासाठी ग्रामस्थांनी मोलाचे सहकार्य केले. तसेच या कार्यक्रमातून शेतकऱ्यांना नवीन व महत्त्वाच्या गोष्टी समजल्याबद्दल, त्यांच्या ही उत्फुर्त अश्या प्रतिक्रिया मिळाल्या. शेतकऱ्यांना “गोठ्याची स्वच्छाता – निर्जंतुकीकरण आणि उपचारी पद्धतीचा चारा ” याचे फायदे समजले. तसेच यातून जनावरांच्या आरोग्य कसे वाढते व त्यांच्यापासून अधिकचे उत्पन्न कसे प्राप्त होते याची माहिती मिळाची. या उपक्र‌माचे नियोजन डॉ. शरदचंद्र पवार कृषी महाविद्यालयाचे कृषीदूत – ओम पवार, सुमेध चौरे, श्रीनिवास पाटिल, सूरज जगताप, लक्ष्मीकांत माळवे, विशाल पवार, सुमित्त चव्हाण ,अवधूत कांबळे यांच्याकडून करण्यात आले. तसेच गावातील श्री. राजेंद्र डोंबाळे व इतर ग्रामस्थांनीसुध्दा यासाठी सहकार्य केले ,तसेच उपक्रमाबददल ‘ग्रामीण कृषी कार्यक्रमाचे’ अधिकारी प्रा.एस. पी. गायकवाड, प्रा. एस. व्ही. बुरुंगले आणि प्रा.ए.सी. शेंडे यांनी मार्गदर्शन केले.