राजमाता अहिल्यादेवी होळकर यांच्या पुतळ्या शेजारील अतिक्रमण काढण्यात यावे

कळमनुरी तालुका प्रतिनिधी:-ज्ञानेश्वर पोले(7875886424)

सकल धनगर समाजबांधवाकडुन तहसीलदारास निवेदन

कळमनुरी:(ज्ञानेश्वर पोले) औंढा नागनाथ मंदिर परिसरात पुण्यश्लोक राजमाता अहिल्यादेवी होळकर यांचा पूर्णाकृती भव्य पुतळा आहे .पुण्यश्लोक राजमाता अहिल्यादेवी होळकर यांच्या पुतळ्याशेजारी असलेले अतिक्रमण तात्काळ काढा. १३ मे रोजी सकाळी ११ वाजता नायब तहसीलदार वैजनाथ भालेराव यांना निवेदन देण्यात आले.पुण्यश्लोक राजमाता अहिल्यादेवी होळकर यांच्या भव्य पुर्णाकृती पुतळ्याशेजारील अतिक्रमणामुळे पुतळ्याची शोभा जात आहे. याकडे नागनाथ संस्थानचे दुर्लक्ष होत आहे. त्यामुळे अतिक्रमण धारकांना उत्साह मिळत आहे व अतिक्रमण वाढत चालले आहे.तात्काळ अतिक्रमण धारकावर कारवाई केली नाही तर येणाऱ्या काही दिवसांमध्ये पुण्यश्लोक राजमाता अहिल्यादेवी होळकरांचा पुतळा सुद्धा दिसणार नाही. आठ दिवसांमध्ये नागनाथ संस्थांनी लक्ष देऊन पुण्यश्लोक राजमाता अहिल्यादेवी होळकर यांच्या पुतळ्याजवळील कायमस्वरूपी अतिक्रमण काढून टाकावे व पुतळ्याचे शोभा वाढवावी. आठ दिवसांमध्ये पुण्यश्लोक राजमाता अहिल्यादेवी होळकर यांच्या पुतळ्याशेजारी अतिक्रमण काढले नाही तर सकल धनगर समाज बांधवांकडून अतिक्रमण हटवण्यात येईल .यामध्ये काही अनुचित प्रकार घडला तर त्याला नागनाथ संस्थान जबाबदार राहील असा इशारा देखील निवेदनाद्वारे सकल धनगर समाज बांधवांकडून देण्यात आला आहे. या निवेदनावर अनेक धनगर समाज बांधवांच्या सह्या आहेत.