पुणे सोलापूर महामार्गावर भुलेश्वर फाटा येथे पडला भला मोठा खड्डा त्या खड्ड्यामध्ये नागरिकांनी केले वृक्षारोपण!

यवत प्रतिनिधी: संदीप भालेराव

पुणे सोलापूर महामार्गावर भुलेश्वर फाटा येथे पडला भला मोठा खड्डा
त्या खड्ड्यामध्ये नागरिकांनी केले वृक्षारोपण
यवत- पुणे सोलापूर राष्ट्रीय महामार्गावर यवत येथील भुलेश्वर फाटा या ठिकाणी रस्त्याच्या कडेला भला मोठा खड्डा पडलेला असून या खड्ड्यामुळे अपघाताची शक्यता निर्माण झालेली आहे हा खड्डा पाहून भुलेश्वर फाटा येथील सुजाण नागरिकांनी ह्या धोकादायक खड्ड्यामध्ये वृक्षारोपण करून निषेध व्यक्त केला आहे त्या वृक्षाला लाल कापड बांधून त्या खड्ड्यापासून वाहन चालकांना सावध करत आहेत.
महामार्ग प्राधिकरण व टोल प्रशासनाचे महामार्गा वरील खड्ड्याकडे नेहमी दुर्लक्ष राहिलेले आहे रस्त्यावरील खड्ड्यांचे दर्जेदार काम न करता फक्त साधी डागडुजी करण्याचे काम टोल प्रशासन करत असते. असे अनेक खड्डे महामार्गावर पडलेले असून टोल प्रशासनाची दुर्लक्ष होत आहे. टोल घेताना स्थानिक नागरिकांना सुद्धा सूट दिली जात नाही परंतु सोयी सुविधांचा वाणवा मात्र महामार्गावर दिसून येतो
भुलेश्वर फाटा हे वाहनचालकांचे अत्यंत वर्दळीचे ठिकाण असल्यामुळे या ठिकाणी अपघात होण्याचा मोठा धोका निर्माण झाला आहे त्यामुळे महामार्ग प्राधिकरण व टोल प्रशासनाने हा खड्डा त्वरित बुजवा अशी मागणी स्थानिक नागरिक करत आहेत.

“भुलेश्वर फाटा या ठिकाणी हा खड्डा खूप दिवसांपासून पडलेला आहे या खड्ड्यामुळे दुचाकीस्वार घसरून पडलेले आहेत त्यांना गंभीर स्वरूपा ची दुखापत झालेली आहे टोल प्रशासन मोठा अपघात होऊन जीवित हानी झाल्यावर खड्डा बुजवणार आहे का?”
आबासाहेब दोरगे.