दौंड तालुक्यामध्ये कृषी दिन उत्साहात साजरा !

यवत प्रतिनिधी -संदीप भालेराव


एक जुलै माजी मुख्यमंत्री कै. वसंतराव नाईक यांची जयंती पंचायत समिती, दौंड व तालुका कृषी अधिकारी कार्यालय, दौंड यांच्या संयुक्त विद्यमाने तालुका कृषी अधिकारी दौंड सभागृह येथे उत्साहात साजरी करून कृषि संजीवनी पंधरवडा मोहिमेचा सांगता समारोप करण्यात आला. सुरुवातीला कार्यक्रमाचे प्रास्ताविक कृषी अधिकारी दिनेश अडसूळ यांनी करून कृषिदिन व माजी मुख्यमंत्री कै. वसंतराव नाईक यांच्या कृषी क्षेत्रातील योगदानाबद्दल माहिती दिली.
याप्रसंगी कार्यक्रमाचे अध्यक्ष म्हणून दौंड तालुका पंचायत समितीचे गटविकास अधिकारी तथा प्रशासक प्रशांत काळे व प्रमुख पाहुणे म्हणून विशाल स्वामी, तालुका कृषी अधिकारी राणी खर्डे आदि मान्यवर याप्रसंगी उपस्थित होते.
कृषी दिनाच्या कार्यक्रमाच्या निमित्ताने विविध मान्यवरांनी आपली मनोगते व्यक्त केले. त्याचबरोबर महाराष्ट्र शासन कृषी विभाग यांच्या वतीने खरीप हंगाम 2023 मध्ये घेण्यात आलेल्या बाजरी पीक स्पर्धेत तालुकास्तरावर प्रति हेक्टरी जास्त उत्पादन घेणारे प्रथम क्रमांक विजेते रावणगाव येथील प्रगतशील शेतकरी लक्ष्मण रांधवन,द्वितीय क्रमांक युवराज जाधव पांढरेवाडी, तृतीय क्रमांक संगिता रघुनाथ काळे, खडकी या शेतकऱ्यांना प्रमाणपत्र देऊन सन्मानित करण्यात आले. त्याचबरोबर गतवर्षात कृषि विभागाच्या माध्यमातून उत्कृष्ट कामगिरी करणाऱ्या अधिकारी कर्मचारी यांचा देखील सन्मान करण्यात आला.
त्यामध्ये स्वप्निल बनकर मंडळ कृषी अधिकारी यवत ,महेश शिंदे कृषी पर्यवेक्षक दौंड, मनोज मिसाळ कृषी पर्यवेक्षक यवत, कृषि सहाय्यक पंढरीनाथ कुतवळ,अंगद शिंदे, युसुफ तडवी,संतोष लोणकर,राहुल लोणकर, अधीक्षक रामभाऊ जगताप यांचा सन्मान करण्यात आला. या वेळी बचत गटातील महिला भगिनी व परिसरात शेतकरी मोठया प्रमाणात उपस्थित होते.
या कार्यक्रमाचे सूत्रसंचालन कृषी सहायक प्रकाश लोणकर यांनी केले व आभार प्रदर्शन अंगद शिंदे यांनी केले.