सुधागड तालुक्यातील तांबडमाळ-चिंबोड गावाला सलग दुसऱ्या वर्षी स्वप्नातील गावाचा दर्जा मिळाला…!

सुधागड तालुक्यातील तांबडमाळ-चिंबोड गावाला सलग दुसऱ्या वर्षी स्वप्नातील गावाचा दर्जा मिळाला.

रॉनी स्क्रूवाला व झरीना स्क्रूवाला यांच्या स्वदेस फाउंडेशनच्या वतीने सुधागड तालुक्यातील तांबडमाळ-चिंबोड हे गाव सलग दुसऱ्या वर्षी स्वप्नातील गाव म्हणून शनिवार 11 मे 2024 रोजी घोषित करण्यात आले.

तांबडमाळ-चिंबोड येथे गाव विकास समिती आणि ग्रामस्थ यांनी एकत्रित येऊन गाव विकास करण्याच्या व आदर्श गाव करण्याच्या हेतूने 2020 पासून प्रयत्न सुरू केले. स्वदेस फाउंडेशन च्या सहकार्याने गावकऱ्यांनी स्वच्छ, सुंदर, स्वास्थ, साक्षर आणि समृद्ध या मुख्य घटकांचा विचार करून गाव विकास आराखडा बनवला आणि त्यानुसार कामाला सुरुवात केली, गाव सुंदर आणि आकर्षक दिसण्यासाठी गावातील महिला व युवक यांनी हिरीरीने मोठा सहभाग घेतला व दुसऱ्यांदा आपले गाव स्वप्नातील गाव म्हणून आज घोषित केले.

गावाची पूर्वी ची परिस्थिती खूप दैनिय होती, परंतु स्वदेस फाऊंडेशन मार्फत झालेली पाणी योजना, शौचालय, शाळेसाठी शौचालय, शाळेसाठी सोलर लाईट, सोलर पथदिवे, प्राथमिक उपचार पेटी, तसेच वेगवेगळ्या उत्पन्न वाढीच्या योजना राबविण्यात आल्या. जास्तीत जास्त शेतकऱ्यांनी शेतात फळबाग लागवड केली आहे व शेळीपालन, कुकुटपालन, दुग्धव्यवसाय, मासेमारी, कौशल्य प्रशिक्षणातून पेंटीग, महिला बचत गट आज समुदायात सक्षम पणे तयार होऊन कार्यान्वित पणे काम करत आहेत.

गावा मध्ये 100% लोकांचे बँक खाते आहे, 100% घर पक्के व रंगीत आहे, 100% आरोग्य विमा, 100% घरगुती गॅस, 100% घरे घरगुती सोलर वापरतात, 100% लोकांचे आधार कार्ड, 100% लोकांचे जातीचे दाखले आणि प्रत्येक कुटुंबाची आर्थिक उत्पन्न वाढ होण्याच्या दिशेने वाटचाल, मोतीबिंदू मुक्त गाव आहे, 0 ते 16 वयोगटातील 100% मुले शाळेत जातात.

स्वप्नातील गाव घडविण्यासाठी गाव विकास समितीचे सर्व सदस्य, बचत गटांमधील महिला,युवक व ग्रामस्थ आणि स्वदेस फाऊंडेशन चे मुख्य कार्यकारी अधिकारी मंगेश वांगे सर यांच्या मार्गदर्शनाखाली स्वदेस टीम यांनी अहोरात्र मेहनत घेऊन हे गाव स्वप्नातील गाव प्रमाणित केले.

या कार्यक्रमासाठी घोटावडे ग्रामपंचायत सरपंच – श्री. पांडुरंग झोरे, सदस्य – सौ. वासंती घुटे प्रमुख पाहुणे म्हणून उपस्थित होते. तसेच स्वदेस फाऊंडेशन चे वरिष्ठ व्यवस्थापक शिवदास वायाळ, वरिष्ठ समन्वयक श्रीधर कोकरे, वरिष्ठ समन्वयक किरण शिंदे, समन्वयक बाळू सूर्यवंशी उपस्थित होते.

तसेच गाव विकास समितीतील सर्व पदाधिकारी,युवक आणि महिला मोठ्या संख्येने उपस्थित होत्या.