मान्सून पावसाचे महाराष्ट्रात कहर…

राज्यात मुसळधार पावसाची शक्यता; काही भागात रेड, ऑरेंज तर काही भागात यलो अलर्ट जारी!

राज्यात पुढील तीन-चार दिवस मुसळधार पावसाचा अंदाज भारतीय हवामान विभागाने वर्तवला आहे. कोकणात सर्वत्र विजांच्या कडकडाटासह जोरदार पावसाची शक्यता आहे. अशातच मान्सून पावसाचा जोर वाढले असल्याचे चित्र सर्वत्र दिसून येत आहेत, कोकणातील अनेक भागात वादळी वाऱ्यासह विजांच्या कडकडाटासह जोरदार पाऊस पडणार आहे असे हवामान खात्याने वर्तविला आहे

अशातच रत्नागिरीसाठी आज ऑरेंज अलर्ट जारी केला आहे तर सिंधुदुर्गात आज रेड अलर्ट जारी करण्यात आला आहे. त्यामुळे नागरिकांनी योग्य ती काळजी घेण्याचं आवाहन प्रशासनाने केल आहे. तसेच सर्व नागरिकांना विनाकामी घराबाहेर पडू नये असे संकेत देण्यात आले आहे. फक्त महत्त्वाच्या कामानिमित्त घराबाहेर पडताना सुद्धा जास्तीत जास्त काळजी स्थानिक लोकांनी घेणे गरजचे असल्याचे प्रशासनाने जाहीर आवाहन केले आहे

तसेच विदर्भात वादळी वाऱ्यांसह सर्वत्र पावसाची शक्यता वर्तवली आहे. त्यामुळे संपूर्ण विदर्भासाठी आज यलो अलर्ट देण्यात आला आहे. मान्सून पावसाची वेगाने वाटचाल होत असल्याने मॉन्सूनपूर्व पावसाने सुद्धा तितकेच वेगाने पुढे सरकत आपली उपस्थिती देत आहे. तसेच पावसासोबत वेगाने वादळी वारे वाहणार असल्याने शेतकऱ्यांनी काळजी घेणे गरजेचे असल्याचे प्रशासनाने आवाहन केले आहे. अवकाळी पावसामुळे उन्हाळी पिकांचे काढणीपूर्व नुकसान झाल्याने शेतकरी चिंतातुर असल्याचे दिसून येत आहेत.