लोकसभा सार्वत्रिक निवडणूक 202402-धुळे लोकसभा मतदार संघात 22 उमेदवारांचे अर्ज वैध तर 8 अवैध

नाशिक जिल्हा प्रतिनधी:-प्रदीप मोरे(7262961771)

लोकसभा सार्वत्रिक निवडणूक 2024
02-धुळे लोकसभा मतदार संघात 22 उमेदवारांचे अर्ज वैध तर 8 अवैध
धुळे, दि. 4 मे, 2024 (धनगर साम्राज्य न्युज वृत्तसेवा) : धुळे लोकसभा मतदार संघ निवडणूकीसाठी दाखल झालेल्या उमेदवारी अर्जांची छाननी प्रक्रिया आज शनिवार, दि 4 मे 2024 रोजी येथील नवीन नियोजन सभागृहात पार पडली. या छाननी प्रक्रियेत धुळे लोकसभा मतदार संघासाठी नामनिर्देशनपत्र दाखल केलेल्या एकूण 30 उमेदवारांपैकी 22 उमेदवारांचे वैध ठरले तर 8 उमेदवारांचे अर्ज अवैध ठरल्याची माहिती जिल्हाधिकारी तथा जिल्हा निवडणूक निर्णय अधिकारी अभिनव गोयल यांनी दिली आहे.
धुळे लोकसभा मतदारसंघासाठी नामनिर्देशन पत्र दाखल करण्याची मुदत शुक्रवार दि. 3 मे, 2024 रोजी दुपारी 3.00 वाजता संपली. उमेदवारी अर्ज भरण्याच्या शेवटच्या मुदती अखेर धुळे लोकसभा मतदार संघात एकूण 30 उमेदवारांनी 42 नामनिर्देशन पत्र दाखल केले होते. या सर्व नामनिर्देशन पत्रांची शनिवार, दि. 4 मे 2024 रोजी छाननी करण्यात आली. यावेळी धुळे लोकसभेचे मुख्य निवडणूक निरीक्षक (सामान्य) पूर्ण चन्द्र किशन, जिल्हाधिकारी तथा जिल्हा निवडणूक निर्णय अधिकारी अभिनव गोयल, निवासी उपजिल्हाधिकारी नितीन गावंडे, उपविभागीय अधिकारी तथा सहायक निवडणूक निर्णय अधिकारी राहुल जाधव, उप जिल्हा निवडणूक अधिकारी गंगाराम तळपाडे, तहसिलदार पंकज पवार यांचेसह नामनिर्देशनपत्र दाखल केलेले उमेदवार, उमेदवारांचे प्रतिनिधी, प्रस्तावक आदी उपस्थित होते. यावेळी उपस्थितांच्या समोर दाखल अर्जांची छाननी करण्यात आली.
नामनिर्देशपत्र वैध ठरलेले उमेदवार
जहुर अहमद (बहुजन समाज पार्टी), बच्छाव शोभा दिनेश (इंडियन नॅशनल काँग्रेस), भामरे सुभाष रामराव (भारतीय जनता पार्टी), नामदेव रोहिदास येळवे (भारतीय जवान किसान पार्टी), पाटील शिवाजी नाथु (ऑल इंडिया फॉरवर्ड ब्लॉक), मुकिमुद्दीन शेख (भीम सेना), शेख मोहम्मद जैद शमीम अहमद (वेल्फेअर पार्टी ऑफ इंडिया), अब्दुल हफीज अब्दुल हक (अपक्ष), आनंदसिंग ठोके (अपक्ष), इरफान मो इसहाक (अपक्ष), भरत बाबुराव जाधव (अपक्ष), भामरे राहुल सुभाष (अपक्ष), मलय प्रकाश पाटील (अपक्ष), मोहम्मद आमिन मोहम्मद फारुक (अपक्ष), मोहम्मद इस्माईल जुम्मन (अपक्ष), राजेश उत्तमचंद आलीझाड (अपक्ष), राजेंद्र जगन्नाथ चव्हाण (अपक्ष), लहानु महादु साबळे (अपक्ष), शफीक अहमद मोहम्मद रफीक शेख (अपक्ष), सचिन उमाजी निकम (अपक्ष), सुरेश जगन्नाथ ब्राम्हणकर (अपक्ष), संजय रामेश्वर शर्मा (अपक्ष) या 22 उमेदवारांचे नामनिर्देशनपत्र वैध ठरले आहेत.
नामनिर्देशपत्र अवैध ठरलेले उमेदवार
अब्दुल रहमान (वंचित बहुजन आघाडी), अशोक शंकर पाटील (अपक्ष), दिनेश मोतिराम बच्छाव (भारतीय राष्ट्रीय काँग्रेस) राहुल विलास पगारे (अपक्ष), अनिल शांताराम तेजा (अपक्ष), वर्षा तुषार गांगुर्डे (आंबेडकर राईट पार्टी ऑफ इंडिया), आयशा सिद्दीक रऊफ खान (अपक्ष), सुषमा जगदीश मराठे (अपक्ष) या 8 उमेदवारांचे नामनिर्देशन पत्र विविध कारणांनी अवैध ठरले आहेत.
वैध ठरलेल्या उमेदवारांना सोमवार, 6 मे, 2024 पर्यंत आपला उमेदवारी मागे घेता येणार असल्याचेही जिल्हा निवडणूक निर्णय अधिकारी अभिनव गोयल यांनी कळविले आहे.
…..✍️ प्रदीप मोरे नाशिक धुळे प्रतिनिधी धनगर साम्राज्य न्युज