राज्यात विधानसभा निवडणुका ऑक्टोबरमध्ये होण्याची शक्यता

राज्यातील लोकसभा निवडणूक मतदान संपल्यानंतर येत्या ४ जून रोजी मतमोजणी होतं आहे निकालाची सर्वानाचं उत्कंठा असतानाचं राज्यात विधानसभा निवडणुकीची चर्चा रंगली आहे.महाराष्ट्रात विधानसभेची मुदत २६ नोव्हेंबर २०२४ रोजी संपणार आहे.महाराष्ट्र राज्यासोबत हरियाणाची विधानसभेची मुदत सुद्धा ३ नोव्हेंबर २०२४ पर्यंत संपत आहे.त्यामुळे दोन्ही राज्यांमध्ये एकाच वेळी निवडणुका होण्याची शक्यता असल्याने दिवाळीच्या आधी ऑक्टोबरच्या तिसऱ्या आठवड्यात राज्यात मतदान होण्याची शक्यता आहे.

विधानसभेची मुदत संपण्यापूर्वी किंवा त्या तारखेच्या दुसऱ्या दिवशी नवी विधानसभा अस्तित्वात येणे आवश्यक असते. यानुसार नोव्हेंबर मध्ये महाराष्ट्रात नवी विधानसभा अस्तित्वात येणं आवश्यक आहे त्यामुळे ऑक्टोबर महिन्यात राज्यात विधानसभा निवडणूक प्रक्रिया होऊ शकते.

ऑक्टोबर २०२४ मध्ये राज्यात विधानसभा निवडणुकीची शक्यता

दरम्यान हरियाणा विधानसभा उशिरात उशिरा ४ नोव्हेंबरला अस्तित्वात येणे आवश्यक आहे.महाराष्ट्र आणि हरियाणाची विधानसभा निवडणूक २००९ पासून एकाच वेळी होत आहे. दोन्ही विधानसभांची मुदत २३ दिवसांच्या अंतराने संपत असल्यामुळे नियमानुसार एकत्र निवडणूक घेणे आवश्यक आहे. यंदा दिवाळी २९ ऑक्टोबर ते ३ नोव्हेंबर या कालावधीत आहे. मात्र हरियाणामुळे महाराष्ट्रातही आधी निवडणूक घ्यावी लागणार आहे. २०१९ मध्ये महाराष्ट्र आणि हरयाणामध्ये २१ ऑक्टोबरला मतदान झाले होते.