ग्राहकांना जागृत करणे हेच अ.भा.ग्राहक पंचायतचे कार्य-डॉ.विलास मोरे

संत रामदास महाविध्यालयात ग्राहक संरक्षण कायदा या विषयावर व्याख्यान संपन्न
घनसावंगी प्रतिनिधी/आज दि.२७ रोजी संत रामदास महाविध्यालयात राष्ट्रीय सेवा योजना व अ.भा.ग्राहक पंचायत यांच्या विद्यमानाने ग्राहक संरक्षण कायदा या विषयावर व्याख्यानाचे आयोजन करण्यात आले होते.यावेळी प्रमुख मार्गदर्शक म्हणून अ.भा.ग्राहक पंचायचे मराठवाडा प्रांत प्रमुख डॉ.विलास मोरे,अध्यक्षस्थानी प्राचार्य डॉ.राजेंद्र परदेशी,प्रमुख पाहुणे म्हणून अ.भा.ग्राहक पंचायतचे जिल्हा सचिव डॉ.रमेश तारगे,समाजसेवक देवानंद चित्राल,उपप्राचार्य प्रा.मिरकट, अ.भा.ग्राहक पंचायतचे घनसावंगी तालुकाध्यक्ष मारोती सावंत,प्रा.राऊत,प्रा.अवचार,प्रा.घोंगे,प्रा.गवळी,बाबासाहेब हेमके,मधुकर मुळे,नारायण मते,देवकाते,पत्रकार अविनाश घोगरे,बाळासाहेब ढेरे,राजेंद्र थोरात,बाबासाहेब गायकवाड,यांच्यासह अनेक पदाधिकारी,प्राध्यापक व विध्यार्थी उपस्थित होते.

पुढे व्याख्यान प्रसंगी बोलताना डॉ.मोरे म्हणाले कि,व्यक्ती जन्मल्यापासून मरेपर्यंत ग्राहक असतो.त्यामुळे प्रत्येकाने आपल्या ग्राहक हक्काचा वापर करून आपला हक्क प्राप्त करावा तसेच ग्राहक सरक्ष्ण कायदा हा भारत शासनाने अभ्यासक्रमात समाविष्ट केल्याने विध्यार्थ्याने या कायद्याचा अभ्यास करून त्यानुसार समाजाच्या व स्वतःच्या ग्राहक हक्काचे सरक्षण करावे.त्यासाठी जास्तीत जास्त नागरिकांनी अ.भा.ग्राहक पंचायतचे सभासदत्व स्विकारून आपल्या ग्राहक हक्कासाठी एक व्यासपीठ प्राप्त करावे.

तसेच आपल्या संपूर्ण देशातील प्रत्येक जिल्ह्यात शासनाने ग्राहक सरक्षण आयोग न्यायालयामार्फत चालू केलेला असून तेथे आपली ग्राहक म्हणून फसवणूक झाल्यास पाच लाखपर्यंत मोफत तक्रार ग्राहकांना दाखल करता येते.तसेच डॉ.मोरे यांनी ग्राहक सरक्षण कायद्याविषयी विध्यार्थी यांना सखोल मार्गदर्शन केले.यावेळी प्रा.राऊत यांनी प्रास्ताविक केले.तर प्रा.घोंगे यांनी आभारप्रदर्शन केले.