श्रीक्षेत्र माळेगाव यात्रा येथून श्री खंडेरायांचे दर्शन घेऊन राजमाता अहिल्यादेवी होळकर यांच्या २९९ व्या जयंतीनिमित्त चौंडीकडे दिंडी रथयात्रेचे मोठ्या उत्साहात प्रयाण…!

प्रतिनिधी:-पिराजी धुलगुंडे(9823345195)

श्रीक्षेत्र माळेगाव यात्रा येथून श्री खंडेरायांचे दर्शन घेऊन राजमाता अहिल्यादेवी होळकर यांच्या २९९ व्या जयंतीनिमित्त चौंडीकडे दिंडी रथयात्रेचे मोठ्या उत्साहात प्रयाण

अहिल्यादेवी यांनी देशभर मंदिरे बांधले व धर्म वाढवला — एकनाथ दादा पवार

दिंडी रथयात्रेत अहिल्यादेवी होळकर यांचे भाई कै. केशवराव धोंडगे यांनी लिहिलेले पुस्तके पाठविणार

दिंडी रथयात्रा सर्व पक्षीय व सर्व १८ पगड जातीची – माजी जि.प. अध्यक्ष संभाजीराव धुळगुंडे

लोहा / प्रतिनिधी
लोहा तालुक्यातील श्रीक्षेत्र माळेगाव यात्रा येथून श्री खंडेरायांचे दर्शन घेऊन राजमाता अहिल्यादेवी होळकर यांच्या २९९ व्या जयंतीनिमित्त चौंडीकडे रथयात्रेचे मोठ्या उत्साहात भक्तीभावाने प्रयाण झाले.
नांदेड जिल्हा परिषदेचे माजी अध्यक्ष तथा दिंडी रथयात्रा चालक संभाजीराव धुळगुंडे महाराज हे सदरील दिंडी सलग १० वर्षांपासून काढत आहेत.
माळेगांव येथे मालेगाव यात्रा येथील श्रीक्षेत्र खंडोबा देवस्थान व गावकऱ्यांच्या वतीने सदरील दिंडी रथयात्रेचे स्वागत करुन गरमागरम खिचडी व भजे यांचे स्वादिष्ट भोजन दिले.
यावेळी कार्यक्रमाला प्रमुख उपस्थिती शिवसेनेचे महाराष्ट्र प्रदेश संघटक एकनाथ दादा पवार, माजी जिल्हा परिषद अध्यक्ष तथा दिंडी रथयात्रा चालक संभाजीराव धुळगुंडे महाराज, शेकापचे प्रा. पुरुषोत्तम धोंडगे, माजी जिल्हा परिषद सदस्य चंद्रसेन पाटील,वंचित बहुजन आघाडीचे जिल्हाध्यक्ष शिवा भाऊ नरंगले, माजी पंचायत समिती सदस्य भगवानराव सुरनर, माळेगांवचे सरपंच हनुमंत धुळगुंडे, पोलेवाडीचे माजी सरपंच पिराजी धुळगुंडे, हभप एकनाथ महाराज धुळगुंडे, श्रीक्षेत्र खंडोबा देवस्थान माळेगांवचे अध्यक्ष दयानंद पाटील, मनिषाताई पुरूषोत्तम धोंडगे, कांताबाई धुळगुंडे, कांचनबाई शेळके , तंटामुक्तीचे माजी अध्यक्ष तुकाराम पाटील धुळगुंडे,हुलाजी फुगनर, बबनराव वाघमारे, यांच्यासह मोठ्या संख्येने भाविक भक्त उपस्थित होते.

यावेळी बोलताना शिवसेनेचे महाराष्ट्र प्रदेश संघटक एकनाथ दादा पवार म्हणाले की, राजमाता अहिल्यादेवी होळकर यांनी देशभर मंदिरे बांधले व धर्माचे रक्षण केले धर्म वाढवला. आज जेवढे पुरातन मंदिरे आहेत त्यांची पुजा केली जाते ते सर्व राजमाता अहिल्यादेवी होळकर यांच्या काळातील आहेत. पुढच्या वर्षी या दिंडी रथयात्रेला काही कमी पडू देणार नाही. मी इतरांसारखे सांगित नाही मी हे करतो ते करतो . माळेगांव येथील देवस्थान व यात्रा दक्षिण भारतात प्रसिद्ध आहे.चौंडी प्रमाणे येथील विकास झाला पाहिजे असे एकनाथ दादा पवार म्हणाले.

तसेच यावेळी शेकापचे भाई डॉ.
पुरूषोत्तम धोंडगे म्हणाले की,
ही यात्रा निर्माण करण्याचे काम राजमाता अहिल्यादेवी होळकर यांनी केले. त्यांनी समाजात शातेतेचा संदेश दिला
हजारो मंदिराचे रक्षण केले अहिल्यादेवी यांनी केले हातात तलवार घेऊन .
मला भाग्य लाभले पुण्यश्लोक अहिल्यादेवी यांच्या दिंडीत माझा वाढदिवस केला मी भाग्यवान आहे.

माजी आ.कै.‌भाई केशवराव धोंडगे यांनी अहिल्यादेवी होळकर यांच्यावर पुस्तक लिहिले आहे ते मी दिंडीत पाठवून देतो असे भाई डॉ. पुरुषोत्तम धोंडगे म्हणाले.
तसेच यावेळी नांदेड जिल्हा परिषदेचे माजी अध्यक्ष तथा दिंडी रथयात्रा चालक
संभाजीराव धुळगुंडे महाराज म्हणाले की,
दिंडीत वेगवेगळ्या सर्व पक्षांचे लोक आहेत दस की लकडी एक का बोजा. दरवर्षी प्रमाणे येथे आम्ही आलोत श्री खंडोबा देवस्थान संस्थानच्या वतीने स्वागत करण्यात आले.
राजमाता अहिल्यादेवी होळकर या कुण्या एका पक्षाच्या नाहीत त्या सर्वांच्या आहेत. या दिंडीत सर्वांनी आनंदाने सामिल व्हावे
तसेच माळेगांव वासियांचे ही अभिनंदन करतो.
तुम्ही दिंडीच्या भोजनाची व्यवस्था केली. असे संभाजीराव धुळगुंडे महाराज म्हणाले.
सदरील दिंडी रथयात्रा श्रीक्षेत्र माळेगाव यात्रा येथून श्री खंडेरायांचे दर्शन घेऊन श्रीक्षेत्र चौंडीकडे मोठ्या आनंदाने मोठ्या संख्येने टाळ मृदंग वीणा वाजवीत येळकोट येळकोट जय मल्हार, ज्ञानदेव तुकाराम चा जयघोष करीत प्रयाण झाली.